"Raporti i fundit", prangos mjekun
Elbasan- Ryshfeti per raportet e KEMP-it, con ne pranga nje infermier te Poliklinikes se Specialiteteve ne Elbasan. Kujtim Isufaj 39 vjec, u arrestua pasditen e djeshme nga agjentet e Zyres se Krimit Ekonomiko-Financiar ne Drejtorine e Policise ne kuader te operacionit te koduar "Raporti i fundit". Pikerisht ne momentin qe bluza e bardhe po leshonte nje raport mjekesor per paaftesi ndaj nje personi, qe ne fakt ka qene i afte per pune, agjentet i kane vene pranga mjekut te specialiteteve. Burime zyrtare bene me dije se ndaj Isufajt, eshte ngritur akuza e "korrupsionit pasiv te personave qe ushtrojne detyren". Sipas hetimeve te kryera mjeku perfitonte nga 5-10 mije leke per cdo raport qe leshonte per efekt te KEMP-it per persona te ndryshem, banore te rrethit te Elbasanit por edhe te qyteteve te tjera si Librazhdi, Cerriku, Gramshi apo Peqini.
Zyrtare te Policise se Elbasanit konfirmuan lajmin dhe bene me dije se hetimi kishte nisur pikerisht ne fillim te ketij viti, pas nje informacioni te marre ne rruge operative se persona te ndryshem paguanin nen dore per nje raport mjekesor ne Polikliniken e Elbasanit, per efekt KEMP-i. Pikerisht mjeku Kujtim Isufaj eshte identifikuar si njeriu qe firmoste keto raporte, kundrejt dhenies se dyshuar te ryshfetit. Prej dy javesh hetimet ishin intensifikuar, me pergjime ambientale dhe fotografime, deri ne mbikeqyrjen e "pacienteve" qe kerkonin kete dokument si te paafte per pune. Raporti perfitohet nga persona qe kane pesuar aksidente ne pune dhe jane te paafte per te ushtruar funksione ne jete apo qe kane nevoje per ndihmen e familjareve per shkak te semundjeve profesionale apo te tjera. Raportet mund te jepen per pension te plote KEMP-i apo te pjesshem, sipas rastit.
Sipas policise, Isufaj merrej me mbledhjen e dokumentacioneve per komisionet per KEMP dhe ndaj tij eshte marre masa e sigurimit "arrest ne shtepie" per vepren penale "korrupsion pasiv i personave qe ushtrojne funksione publike". Gjykata ka miratuar kete mase sigurie pas hetimeve dhe provave te mbledhura nga prokuroria. Aktualisht grupi hetimor po investigon rreth personave te tjere me detyren e mjekut qe kane bashkepunuar ne leshimin e raporteve, pasi ne Polikliniken e Specialiteteve ne Elbasan, funksionon nje komision i posacem per KEMP-in.
A. Q.