Rasmusen:Mburoja raketore e Evropës nuk kërcënon Rusinë

Sekretari Përgjithshëm i NATO-s Anders Fog Rasmusen ka përsëritur se planet e aleancës për të ndërtuar një sistem të mbrojtjes raketore në Evropë nuk e “kërcënojnë” Rusinë.

Ai i bëri këto komente në selinë qendore të NATO-s, ku po diskutohet për mburojën raketore në mes të ministrave të Jashtëm të aleancës 28 anëtarëshe, përfshirë dhe sekretaren amerikane të shtetit Hillari Klinton dhe ministrin e Jashtëm rus Sergei Lavrov.

Rasmusen tha se mburoja e propozuar raketore e NATO-s nuk “kërcënon Rusinë” dhe as nuk minon “pozicionin e saj strategjik”.

Rusia frikësohet se mburoja do të neutralizojë mbrojtjen e saj bërthamore.