Rasmussen në Kosovë: NATO ndihmon zbatimin e marrëveshjes

PRISHTINE - Sekretari i Përgjithshëm i NATO-s, Anders Fogh Rasmussen ka rikonfirmuar mbështetjen e Aleancës Veriatlantike për Marrëveshjen e arritur në dialogun ndërmjet Prishtinës dhe Beogradit me ndërmjetësimin e Bashkimit Evropian.

Gjatë një vizite që Rasmussen i bëri Komandës së KFOR-it në Prishtinë dhe takimeve që zhvilloi me përfaqësuesit ndërkombëtarë dhe ata vendor, ai ka thënë se trupat e KFOR-it janë të gatshëm të ndihmojnë në zbatimin e marrëveshjes, për çështjet në të cilat marrëveshja kërkon implikimin e forcave paqeruajtëse.

Gjatë kësaj vizite, Rasmussen po shoqërohet nga përfaqësues të Këshillit Veri-Atlantik, që është organi më i lartë qeverisës politik i NATO-s.

(er.nu/rel/BalkanWeb)