Ravena, shqiptaret kerkojne te drejten e votes

Si te davaritesh zymtesine e opinionit publik, si ai italian, qe sipas nje sondazhi te fundit fajeson emigrantet per krizen ekonomike? Duke dhene mesazhin e nje Shqiperie europiane, nepermjet nje koncerti me artiste te ardhur nga Tirana.

Teatri “Alighieri”, nje institucion i shekullit XIX ne sheshin “Garibaldi” ne qender te Ravenes, do te flase pas pak shqip.

Aktiviteti i organizuar me rastin e festes se Flamurit, ka ngjallur edhe interesin e “Teleromagna”-s, nje kanal i vogel lokal.

Ravena eshte nje nga qytetet me dendesine me te madhe te shqiptareve ne raport me shtetasit italiane. Shqiptaret bashke me senegalezet kane nga nje anetar me status konsultativ ne keshillin e provinces, te votuar si perfaqesues te te tere te huajve.

Tani, nepermjet shoqates se tyre, shqiptaret formulojne kerkesat me karakter me politik. “Ne kemi te drejte te zgjedhim qeverisjen sepse jemi 700 mije vete dhe mund te bejme ndryshimin. Ky eshte nje mesazh i rendesishem per kryeministrin Berlusconi, qe do te vizitoje Shqiperine”, eshte shprehur Ismet Mehmeti, kryetar i Lidhjes Kombetare Shqiptare.

Shfaqja mbyllet me hymnin kombetar. Pas saj, dinjitaret lokale zbresin ne prapaskene per te pershendetur arstitet. Pervec muzikes, duket se ka ngjitur edhe mesazhi politik.

Por e drejta e votes se emigranteve per zgjedhjet lokale apo ato europiane eshte nje ceshtje qe diskutohet edhe ne vende te tjera te BE-se.

“Ka nje diskutim evropian dhe besoj se mund te gjendet nje forme per t’i bere ata te votojne ne zgjedhjet lokale. Kjo varet me shume nga qeveria qendrore, por ka ende shume pune per te bere”, ka deklaruar Oriano Casadio, zevendespresident i Keshillit Provincial te Ravenes.

Nje gje qe hyn ne kompetencat lolake, eshte binjakezimi me qytetin shqiptar te Lezhes, ne kuader te fqinjesise se mire.