Reagon Malaj: Terheqjen time ia thashe Rames ne sy

Deputeti i Partise Socialiste, Arben Malaj, ka reaguar dje ndaj konferences per shtyp te kryetarit me mandat te nderprere te selise roze, Edi Rama, duke thene se e kishte njoftuar kryesocialistin per terheqjen nga gara per kreun e selise roze. Reagimi erdhi pas deklarimit te kryetarit ne detyre te Partise Socialiste, se nuk ishte ne dijeni per terheqjen e Arben Malajt per postin e kryetarit dhe nese do te ishte keshtu, ai ndiente keqardhje. "Ia kam komunikuar ne sy Rames terheqjen qe pas fjales qe kryetari ne detyre mbajti ne Kongresin e jashtezakonshem te Partise Socialiste", sqaroi zyrtari i larte socialist, gjate nje prononcimi te dhene dje per mediat. Terheqja nga kandidimi per kryesimin e Partise Socialiste eshte bere i ditur dy dite me pare nga vete deputeti socialist, vetem nje ore pas perfundimit te punimeve te Kongresit te jashtezakonshem qe socialistet zhvilluan ne Pallatin e Kongreseve. Zyrtari lart socialist e arsyetoi terheqjen nga gara ne shenje fyerjeje meqenese Edi Rama i deklaroi te gjithe armiq gjate fjales se mbajtur para delegateve socialiste. "Nuk marr pjese ne nje gare armiqsh. Sot do te komunikoje zyrtarisht vendimin", vleresoi Malaj. Me tej, ai sqaroi se vendimi per terheqjen nga kandidimi erdhi pas konsultimeve qe pati me miq e mbeshtetes ne Partine Socialiste. Nderkohe edhe gjate zhvillimeve te punimeve te Kongresit, ish-ministri i Financave ne qeverine socialiste, ka lene te kuptohet se mund ta terheqe kandidaturen nese gara deformohej.