Reforma Zgjedhore, Haxhinasto: Opozita të marrë pjesë

TIRANË-“Dialogu politik është shumë i rëndësishëm për reformën zgjedhore, kjo për t’i dhënë një mesazh të mirë vëndit tonë dhe partnerëve ndërkombëtarë të cilat duan të na shohin në familjen e madhe europiane”. Ky ishte mesazhi i përcjellë mesditën e sotme nga nënkryetari i LSI-së Edmond Haxhinasto, ndërsa citoi se të gjitha forcat politike duhet të jenë gjithëpërfshirëse në këtë proces, ku mjaft e rëndësishme është dhe kontributi nga PS-ja.

“Procesi i reformës zgjedhore duhet të jetë gjithëpërfshirës dhe i hapur ndaj shoqerise civile. Pjesmarrja konstruktive vecanërisht e opozitës në këtë proces është treguesi më i mirë i cdo force politike për larshmërinë, për të realizuar standartet më te larta zgjedhore” tha më tej Haxhinasto.

Në një konferencë për shtyp, Haxhinasto citoi se reforma zgjedhore dhe bashkëpunimi politik janë elemente të rëndësishme të vendimarrjes për në Bashkimin Europian, në vjeshtë të këtij viti.

(d.b/BalkanWeb) Lidhje te tjera VIDEO: Reforma Zgjedhore, Haxhinasto: Opozita të marrë pjesë