Reforma Zgjedhore, sot vendimi per shtyrje te afatit, ngec tek KQZ-ja e numerimi

Nuk pati asnje rezultat mbledhja e djeshme e Komisionit te Posacem per Reformen Zgjedhore. Ne limitet e afatit te punes se ketij komisioni, i cili perfundon sot, anetaret nuk munden te dalin me hapa para qe do te conin ne perfundimin e punes. Pas mbledhjes, eksperti socialist i komisionit, Bledar Cuci, tha se vendimmarrja eshte shtyre per ne diten e sotme. Sipas tij, ne mbledhjen e zhvilluar me dyer te mbyllura, palet diskutuan per ceshtje teknike si perfaqesimi i grave ne zgjedhje, apo numerimi. Nderkohe qe ende kane mbetur per t'u shqyrtuar ceshtje te rendesishme si procesi i ankimimit, perberja e Komisionit Qendror te Zgjedhjeve apo numerimi. Ceshtje, te cilat per nga problematika qe permbajne, veshtire te zgjidhen brenda dites se sotme. Per rrjedhoje, nuk perjashtohet edhe nje tjeter shtyrje e afatit te punes se ketij komisioni qe, ne fakt, si date te fundit te punes kishte caktuar pikerisht 15 majin, ne menyre qe reforma zgjedhore, te miratohej brenda seances plenare te se enjtes. Pas mbledhjes se sotme, pritet se cila do te jete ecuria e reformes zgjedhore qe, sipas marreveshjes se 14 nentorit te vitit te kaluar mes PD-PS, duhet te kishte perfunduar brenda muajit mars te ketij viti.