"Reforma ne Drejtesi, pa Berishen"

Kreu i Partise Socialiste Edi Rama, paralajmeroi se PS nuk do te jape konsensus per Reformen ne Drejtesi. "Ne nuk kemi asnje besim dhe nuk shohim asnje mundesi qe nje reforme e tille te realizohet me Sali Berishen", ka paralajmeruar kreu socialist. Per te cilin, ne rast se per Kodin Zgjedhor, ishte nje interes reciprok per te percaktuar rregullat e betejes elektorale, ne rastin e reformes ne drejtesi ketu nuk ka interes reciprok per shkak se PS eshte e interesuar t'i jape Shqiperise dhe shqiptareve nje reforme e cila te garantoje me shume pavaresi dhe me shume efektshmeri te sistemit gjyqesor. Nderkohe qe Berisha, sipas tij, eshte i interesuar pikerisht kunder pavaresise, kunder efektshmerise se nje sistemi gjyqesor, me te cilin kryeministri i Shqiperise e klani i tij, qeveria e tij kane nje konflikt te hapur interesi. Sipas Rames, pas ketyre hijeve qendron nje strukture e tere interesash, qe kane kapur shtetin. "Reformen ne drejtesi, me sa duket do te duhet ta bejme atehere kur ta drejtojme vendin, pasi te kemi larguar Sali Berishen. Me Sali Berishen kryeminister dhe me fijet qe e kane lidhur te terin kete kryeminister nuk mundet dot te bejme reforme ne drejtesi", paralajmeroi Rama.