Reforma, si rezulton sistemi shqiptar

Perzgjedhja e sistemit te ri te pensioneve, qe do te aplikohet ne vendin tone, ka qene ne qender te seminarit te organizuar nga Banka Boterore dhe Ministria e Financave, ku u analizua sistemi aktual i pensioneve ne Shqiperi. Ndryshe nga vendi yne, ne bote aplikohen disa skema, qe fillojne qe nga ulja e varferise dhe deri tek ato qe kane si objekt zgjedhjet personale te kursimeve per pensionin. Duke qene se skema aktuale eshte problematike, drejtuesit e Ministrise se Financave jane shprehur se Shqiperia duhet te rinovoje gradualisht skemen e vet te pensioneve, ne menyre qe te plotesoje kerkesat e ekonomise se tregut ne ngritje. "Ne kete situate, te gjithe ekspertet, partneret dhe aktore te tjere ne vend jane te bindur ne nevojen e reformimit te sistemit te pensioneve ne Shqiperi", tha gjate seminarit ministri i Financave, Ridvan Bode. Ndersa, Camille Nuamah, perfaqesuese e perhershme e Bankes Boterore ne Shqiperi, theksoi nevojen e nje konsensusi te gjere mes gjithe aktoreve dhe pergezoi mundesine e fillimit te diskutimeve. Duke prezantuar eksperiencen nderkombetare ne reformen e sistemit te pensioneve dhe kostove te punes, Anita Schvarz, kryeekonomiste, ne Sektorin e Zhvillimit Njerezor per Evropen dhe Azine Qendrore ne Banken Boterore, tregoi se ka nje shumellojshmeri skemash te pensioneve ne bote, duke filluar nga ato qe fokusohen ne uljen e varferise te te moshuarit e deri tek ato qe fokusohen ne zgjidhje individuale te kursimeve per pensionin. Ne kete seminar, kater perfaqesues te larte zyrtare nga vende te Evropes Qendrore si Bullgaria, Republika Sllovake, Polonia dhe Kosova prezantuan eksperiencat e tyre per reformen e sistemit te pensioneve, si ne lidhje me ristrukturimin e sistemit publik ne menyre qe perfitimet te lidhen me mire me kontributet e paguara, duke ndare privilegjet e vecanta nga sistemi normal i pensioneve, ashtu edhe me prezantimin e llogarive te kursimeve individuale.