Koeficientet, bllokohet formulari A1

Luljeta Ndoka
Edhe pse kane kaluar 14 dite nga momenti kur formulari A1 eshte dorezuar neper shkolla, ai nuk ka filluar ende te plotesohet. Shkak per nje gje te tille eshte bere mosdergimi ne menyre zyrtare i koeficienteve ne shkollat e mesme. Kesisoj, kane mbetur vetem 4 dite nga afati i fundit qe eshte caktuar per plotesimin e ketij formulari. Burime nga Ministria e Arsimit dhe Shkences kane deklaruar se e gjithe kjo amulli eshte krijuar per shkak se nuk po bihet dakord per futjen si kriter te mesatares ne Fakultetin e Mjekesise. Nese nje kriter i tille do te pranohej, atehere do te duhej nje sistem i ri i perllogaritjes se pikeve posacerisht per kete dege.
Vonesat
Koeficientet jane miratuar tashme, por nuk jane derguar zyrtarisht neper shkollat e mesme. Kjo gje ka krijuar vonesa te dukshme ne afatet e plotesimit te formularit A1. Pa pasur ne dore koeficientet zyrtarisht, nxenesit nuk mund te fillojne ta plotesojne kete formular, pasi ata duhet t'i shenojne lendet me zgjedhje qe duan te japin provim, pasi te kene ne dore koeficientet. Nje parashikim i gabuar mund t'u rrezikoje atyre te drejten per te filluar vitin akademik 2008-2009. Keshtu, nxenesit kane zgjedhur qe te presin koeficientet e sakte, qe do t'u dergohen nga Ministria e Arsimit dhe e Shkences ne shkollat perkatese dhe vetem atehere ata do ta plotesojne. Keshtu, mbi 20 mije maturantet qe presin te behen pjese e universiteteve publike te vendit, jane peng i koeficienteve te cilet jane miratuar tashme, por nuk jane derguar ne shkolla. Ne vonese e tille rrezikon shkeljen e afateve te parashikuara ne Rregulloren e Matures Shteterore 2008. Megjithate, kjo nuk do te ishte eksperienca e pare e ketij procesi, i cili implementohet per te tretin vit rresht.
Formulari A1
E vetmja gje qe i "ngroh" nxenesit eshte thjeshtesia e formularit. "Ai nuk eshte i nderlikuar ndaj besoj se do te mund ta plotesojme per nje dite",shprehen maturante te shkolles se mesme te pergjithshme "Petro Nini". Ndersa drejtoresha e kesaj shkolle ka konfirmuar jo pa shqetesim se tabelat me koeficiente nuk kane mberritur ende. Megjithate, me te mberritur neper shkolla, te gjithe maturantet do te angazhohen ne plotesimin e tij. Sikurse behet e ditur nga burime te Ministrise se Arsimit dhe Shkences, shkak per keto vonesa eshte bere propozimi per futjen e mesatares si kriter per pranimin e studenteve ne fakultetin e Mjekesise. Universiteti i Tiranes ka propozuar pak dite me pare qe maturantet te futeshin ne provimet me zgjedhje te Matures Shteterore per degen e Mjekesise vetem nese e kishin mesataren mbi 8,5. "nese do te pranonim nje propozim te tille atehere i bie qe te krijohej nje sistem i ri perllogaritjeje vetem per kete dege", kane pretenduar specialistet e MASH. Gjithashtu, pengesa ka nxjerre edhe propozimi tjeter i UT-se per aplikimin e koeficientit 1 per te gjitha tipet e shkollave.

Me 25 mars, te dhenat do te verifikohen
Pas plotesimit te formularit A1, ato do te dorezohen ne komisionin e Matures Shteterore te Drejtorive Arsimore dhe Zyrave Arsimore per verifikime,se bashku me fotokopjen e tabeles se regjistrimeve dhe me tabelen e plotesuar permbledhese te te dhenave te formulareve. Nje procedure e tille duhet te kryhet brenda dates 25 mars te ketij viti, ne menyre qe te pergatitet edhe lista e personave qe duhet te plotesojne formularin A2. Sipas Burimeve nga Ministria e Arsimit, edhe kete vit, A2 do te jete i personalizuar. Pra, ai maturant qe ka plotesuar formularin A1, duhet te plotesoje edhe formularin ku caktohet dega dhe universiteti, ku studenti do qe te konkurroje. Formulari i sivjetme eshte thjeshtuar se tepermi ne krahasim me vitin e kaluar. Kandidatet do te plotesojne vetem emer, atesi, mbiemer, datelindjen, gjinine dhe vitin e perfundimit te shkolles se mesme. Ndersa ne pjesen tjeter, maturantet qe duan te hyjne ne provimet e matures do te plotesojne dy lendet me detyrim, te cilat varen nga lloji i shkolles, si dhe do te qarkojne dy lende qe duan te zgjedhin, sipas fakultetit ku duan te nisin studimet. Formulari me i ri A1, sipas specialisteve te AVA-s eshte thjeshtuar per shkak se gjate vitit te kaluar jane bere shume gabime ne plotesimin e tij, ndersa ka bere qe disa flete te tilla te shpallen te pavlefshme.

Formulari A2, shperndahet me 1 prill
Ministria e Arsimit dhe e Shkences duhet te miratoje brenda dates 1 prill formularin A2, ku do te shkruhen te dhenat e nxenesve qe kane marre provimet e detyruara me noten mesatare dhe perzgjedhjen e degeve te shkollave te larta ku deshiron te studioje. Gjithashtu, ky dikaster miraton edhe udhezuesin e formularin A2. Sipas rregullores se Matures Shteterore 2008, kandidatet qe duan te vazhdojne studimet ne shkollat e larta duhet te plotesojne edhe formularin A2 brenda dates 30 qershor dhe ta dorezojne ate ne Komisionin Shkollor te Matures Shteterore. Risite e kesaj rregulloreje do te mund te korrigjojne vonesat e shkaktuara gjate viteve te kaluara me provimet si dhe me shpalljen e rezultateve. "Gjithcka do te jete me shpejt gati, dhe po ashtu edhe procesi i pranimeve ne universitete", shprehen burime nga Ministria e Arsimit dhe Shkences. Nje maturant mund te plotesoje formularin A2 vetem nese ka plotesuar me pare formularin A1. Ndersa ky i fundit duket se do te pesoje vonesa, duke tejkaluar cdo afat te parashikuar ne rregulloren e Matures Shteterore. Nese MASH nuk nderhyn per te derguar sa me shpejt ne menyre zyrtare koeficientet, atehere vonesat pritet te mbarten, madje edhe te formulari A2.