Rehova, shesh xhirimi- Regjisorja italiane tregon pse zgjodhi Shqipërinë

Fshati i njohur turistik i Rehovës kthehet në shesh xhirimi për regjisoren italiane Guilia Grandinetti.

Subjekti i filmit është një marrëdhënie e krijuar mes një vajze shqiptare dhe një djali serb, marrëdhënie që përfundon në altar. Rehova u zgjodh krejt rastësisht prej regjisores italiane.

Ajo kishte ardhur në Shqipëri për të zgjedhur vendin e duhur për të xhiruar këtë film. Ka mjaftuar një defekt në mjetin e saj dhe ndalesa në Ersekë, që e bindi se ky ishte vendi ideal për xhirimin e filmit të saj. 

Aktorja italiane Caterina Bagnulo që luan rolin e vajzës shqiptare, është shpehur se italianët dhe shqiptarët kanë ngjashmëri karakteresh, dhe pikërisht për këtë e ka pranuar me dëshirë rolin. 

Në rolin e babait të vajzës është zgjedhur një kolonjar, me profesion arkitekt por që e ka bindur regjisoren dhe kastin e aktorëve se se përshtatet mjaft mirë me rolin e babit shqiptar patriarkal. 

Xhirimet e filmit do të zgjasin për më shumë se 30 ditë e do të jenë të përqendruara në fshatin Rehovë si dhe në qytetin e Ersekës. 

/rtsh/