Rektori prane doreheqjes

Vlore- Telashet ne Unioversitetin "Ismail Qemali" te Vlores nuk kane te sosur. Rektori Tanush Shaskaj kercenon me doreheqje te parevokueshme Ministrine e Arsimit dhe Shkences ne rast se dekania e Fakultetit te Ekonomise dhe Juridikut, Arta Musaraj, rikthehet ne detyre. Nepermjet nje letre zyrtare, kreu i universitetit ka reaguar menjehere sapo ka mesuar nga SHBA ku ndodhet pas perfundimit te sezonit te pare arsimor, se ministria kishte kthyer ne pune Musarajn pas shkarkimit qe i beri rektorati per shkelje ne detyre. Perplasjet mes drejtuesve te universitetit kane nisur qe prej muajve te veres se ketij viti, fillimisht me akuzat e Musarajt ndaj zv/rektores dhe me pas me denoncimet ne prokurori. Akuzat e ndersjellta publike sollen tensionimin e gjendjes ne kete institucion arsimor, nderkohe qe Ministria e Arsimit ka vendosur rikthimin e dekanes. "Nese ajo vjen ne universitet per te rifilluar, atehere une jap doreheqjen e parevokueshme", eshte shprehur Shaskaj, duke i lene kohe Ministrise se Arsimit te rishikoje edhe nje here vendimin. Sezoni i ri arsimor ne universitet nis javen e dyte te muajit janar 2009 dhe deri atehere duhet te priten zhvillimet e metejshme institucionale per kete problem. Nderkohe qe po diten e djeshme, stafi i pedagogeve te Universitetit te Vlores ka reaguar me anen e peticioneve dhe letrave publike duke dale ne mbeshtetje te rektorit Tanush Shaskaj dhe kunder kthimit te dekanes Arta Musaraj ne detyre. Vendimi i ministrit te Arsimit Fatos Beja ka arritur pasditen e djeshme rreth ores 15:30 ne Vlore, menjehere ka reaguar rektori i ketij universiteti Tanush Shaska, i cili ka paralajmeruar doreheqjen. Per kete vendim te Shaskes jane informuar krejt stafi akademik i UV-se dhe senati i universitetit, te cilet mbremjen e djeshme kane zhvilluar nje mbledhje te jashtezakonshme, nga ku kane dale me nje peticion drejtuar Ministrit te Arsimit, ku i kane kerkuar qe, "ne te mire te Universitetit te Vlores te rishikoje vendimin e marre".

"Stafi akademik dhe drejtuesit e UV-se i kerkojne ministrit Fatos Beja rishikimin e vendimit mbi kthimin e Arta Musarajt ne detyre", thuhet ne peticion. Senati dhe rreth 140 pedagoge kane firmosur peticionin qe u lexua nga zv/rektorja Pranvera Resuli. "Kemi bindjen se vendimi i marre nga Rektorati dhe i percjelle tek Ju nepermjet vendimit te rektorit, eshte plotesisht i drejte dhe i nevojshem per shendoshjen e gjendjes ne te cilen eshte futur Universiteti", thuhet me tej ne peticionin qe i eshte derguar njekohesisht edhe kryeministrit Sali Berisha.

Ornela Hila