Reporteret e Strasburgut nisen misionin faktmbledhes

Nje delegacion nga Komisioni i Monitorimit te Asamblese Parlamentare te Keshillit te Europes ndodhet ne Tirane me mision faktmbledhes per situaten politike qe po kalon vendi.

Bashkeraporteret senatori cek Tomas Jirsa dhe deputeti moldav Grigore Petrenco do te qendrojne ne Tirane per dy dite dhe kane nje axhende te ngjeshur takimesh e cila nisi dje ne oren 09.00 te mengjesit me kryetarin e Levizjes Socialiste per Integrim Ilir Meta vazhdoi me pas me kreun e PS-se Edi Rama ne seline roze dhe ne oren 12.00 me Kryeministrin Berisha. Zyra e shtypit e qeverise ne njoftimin e saj theksoi se Berisha ka deklaruar se eshte i hapur per te bashkepunuar me opoziten per te permbushur rekomandimet e OSBE/ODHIR-it per zgjedhjet e ardhshme. Berisha rikonfirmoi vullnetin dhe vendosmerine e plote te qeverise shqiptare per te bashkepunuar ne menyre teresisht te hapur e transparente me opoziten per te adresuar te gjitha rekomandimet e OSBE/ODIHR per zgjedhjet e ardhshme te pergjithshme te vitit 2013 por dhe reforma te tjera qe kerkojne shumice te cilesuar dhe bashkepunim midis mazhorances dhe opozites thuhet ne njoftim. Ne dalje te selise roze raportuesit deklaruan se ndodheshin ne Tirane per te mbledhur fakte mbi situaten politike ne vend te cilat me pas do te raportohen ne mbledhjen e ardhshme te Komisionit te Monitorimit te Asamblese Parlamentare te Keshillit te Europes. Pas takimit me kreun e LSI-se Meta tha per mediat se me delegacionin e KE-se kishin diskutuar per situaten politike duke iu referuar zgjedhjeve te 8 majit. Meta tha se rezultati i ngushte eshte deshmi e funksionimit te plote te Kodit Zgjedhor dhe se vendimet e gjykatave jane te padiskutueshme.