Reshjet e borës, bllokohen disa komuna në Kukës

Reshjet e dendura kanë bërë që disa akse rrugore të jenë të bllokuara, duke izoluar në këtë mënyrë banorët. Ashtu sikurse edhe vitet e tjera, komunat e bllokuara janë ato Grykë Çajës, Kalisit, Arrnit dhe Zapodit.

Autoritetet vendore kanë këshilluar drejtuesit e makinave që në akse të tjera rrugore, si ajo në drejtim të Shishtavecit apo në drejtim të Qafë Malit të lëvizet me zinxhir, për të parandaluar rrëshqitjet e mundshme të makinave.

Ndërkohë, akse të tjera si ajo Qafë Morinë –Tropojë, apo Hasë-Qafë Prush që janë edhe pika kufitare me Kosovën, situata paraqitet normale.