Reshjet ndotin ujin e pijshem banoret japin alarmin
BURREL- Reshjet e shumta te shiut dhe debores kane shkaktuar probleme te furnizimit me uje te qytetit te Burrelit dhe fshatrave perreth tij. Uji qe rrjedh ne rubinetet e tyre eshte i ndotur duke krijuar shqetesim per banoret. Nderkohe Drejtoria e Shendetit Publik po merr analizat e ujit te pijshem dhe masat e duhura qe te mos krijohen probleme per jeten dhe shendetin e qytetareve. Dje banoret e qytetit jane ankuar se uji ishte i turbullt mbante ere dhe nuk mund te konsumohej. Problemi eshte se sa here ka reshje uji ndotet si pasoje e tubacionit te amortizuar dhe te demtuar ne segmente te ndryshme u shprehen specialiste te Ndermarrjes se Ujesjelles-Kanalizimeve Mat. Ndersa pergjegjesi i Zyres se Higjienes ne Drejtorine Rajonale te Shendetesise Gani Korsita u shpreh se eshte klorinuar uji ne doza me te medha se dite me pare. Per mbajtjen nen kontroll te situates nga sektori i Higjienes jane shtuar kontrollet dhe analizat. Gjashte vjet me pare ne kete ujesjelles qeveria norvegjeze financoi me shume se 4 milione euro nderkohe qe gjendja e tij mbetet problematike per shkak te nderhyrjeve dhe amortizimit. h.p