Vrasja e Aurora Trashanit hetim per xhelozi
TIRANE - Grupi hetimor qe po punon per zbardhjen e vrasjes se juristes Aurora Trashani ka perqendruar hetimet tek nje person me banim ne qytetin e Vlores. Shkak i vrasjes dyshohet se ka qene xhelozia ndersa hetuesit pohojne se ne vendin e ngjarjes jane gjetur floke femre te cilat nuk i perkasin viktimes. Nderkohe paralelisht po verifikohen edhe pista te tjera per te zbuluar autorin qe masakroi me thika e me pas i vuri flaken 32-vjecares mengjesin e se merkures ne shtepine e saj. Sipas policise jane dy rrethana qe lidhin vrasjen e Trashanit me Vloren. Fakti i pare qe zbuloi grupi hetimor eshte nje mesazh i dyshimte qe u gjet ne celularin e viktimes. Policia ka thene se ky mesazh eshte derguar prej nje personi me banim ne Vlore. Nga ana tjeter sipas deshmive te fundit qe kane marre oficeret e policise eshte zbuluar se juristja e Autoritetit te Konkurrences nje dite para se te gjendej e vrare eshte pare nga miqte e saj ne Tirane e shoqeruar me nje djale qe njihet si banor i Vlores i cili sipas te dhenave te policise rezultonte i fejuar dhe i ndare kohet e fundit. Keto fakte kane perforcuar dyshimet se nje xhelozi femerore mund ti kete kushtuar jeten ne menyre makabre 32-vjecares nga Shkodra e cila jetonte e vetme ne nje shtepi me qira te Zogu i Zi ne Tirane ku u gjet e vrare para tri ditesh. Nje deshmi tjeter qe grupi hetimor po i jep nje rendesi te vecante ne lidhje me vrasjen e Trashanit eshte nje konflikt mjaft i ashper qe ajo kishte pasur kohet e fundit me nje kolege te saj edhe ajo juriste te Autoriteti i Konkurrences. Koleget e viktimes kane deklaruar ne polici se zenka mes dy vajzave ka qene mjaft e forte aq sa ne mes u perfshine edhe familjaret e tyre. Burimet sqaruan se zyrtarisht ende nuk ka nje te dyshuar per ngjarjen por shume fakte dhe prova te gjetura ne vendngjarje te pakten deri tani flasin per nje autore femer. Edhe pse asgje nuk eshte perfundimtare pasi grupi hetimor po verifikon me hollesi cdo deshmi te dhene dhe ato pak prova qe jane gjetur ne vendngjarje bashke me tabulatet e telefonit te Aurora Trashanit. Si motiv per vrasjen e Aurora Trashanit policia po heton xhelozine qe ende nuk eshte ndare perfundimisht nese mund te jete xhelozi mashkullore apo femerore. Shkak per kete pike ku kane ngecur hetimet jane bere edhe disa fije flokesh qe sipas eksperteve i perkasin nje femre tjeter. Nga verifikimi paraprak qe i eshte bere celularit te 32-vjecares jane zbuluar dy mesazhe te dyshimta. Sipas burimeve nje sms ishte derguar nga nje numer anglez ndersa mesazhi tjeter rezulton te jete derguar nga nje person qe jeton ne Vlore. Policia ende nuk ka mundur te gjeje armen e krimit qe dyshohet te jete nje thike kuzhine. Por sipas eksperteve kriminaliste zjarri qe ka shkrumbuar pothuajse plotesisht apartamentin e Trashanit madje ka shkaktuar djegie ne disa pjese te trupit te viktimes ka zhdukur prova qe mund te ishin mjaft te rendesishme per grupin hetimor. et.de
AUTOPSIA
Ne raportin mjeko-ligjor thuhet se Aurora Trashani juristja e Autoritetit te Konkurrences ka vdekur nga disa plage thike qe ka marre ne pjese te ndryshme te trupit kryesisht ne gjoks me pas eshte djegur. Autopsia e kryer menjehere pas ngjarjes se dy diteve me pare zbuloi se 32-vjecarja nuk kishte vdekur nga asfiksia dhe as nga djegiet qe kishte pesuar ne trup por ishte vrare me thike.