Rice tur ne Evrope

Sekretarja amerikane e shtetit, Condoleeza Rice do te zhvilloje javen e ardhshme nje tur takimesh ne Bruksel, Londer, Rome, Helsinki dhe Kopenhage. Lajmin e ka bere te ditur Departamenti i Shtetit duke saktesuar se turi i saj do te zhvillohet nga 30 nentori deri me 5 dhjetor.

“Ne Londer sekretarja amerikane e Shtetit do te takohet me shefin e diplomacise britanike David Miliband”, deklaroi zedhenesi Sean McCormack.

Me pas ajo do te vijoje turin ne Bruksel ku do te marre pjese ne takimin vjetor te ministrave te Puneve te Jashtme te NATO-s.

Takimi i radhes do te jete ne Rome, ku Rice do te takohet me kryeministrin italian, Silvio Berlusconi dhe homologun e saj Franco Fratini.

“Me 4 dhjetor Rice do te ndalet ne Helsinki per te marre pjese ne nje takim te OSBE-se dhe do te mbylle turin e takimeve te saj ne Kopenhage ku do te takohet me kryeministrin Anders Rasmussen dhe ministrin e Puneve te Jashtme, Per Stig Moller”, theksoi McCormack.