Rifillimi i punës, RISHM inspekton minierën e Bulqizës

Specialistë të Repartit të Inspektim-Shpëtim Minierave (RISHM), kanë inspektuar sot ambjentet e minierës së Bulqizës.

Në prag të rifillimit të punës, pasr 3 muajsh ndërprerje për shkak të grevës së urisë, RISHM ka kërkuar që të shohë nga afër gjendjen aktuale të minierës, për të vendosur nëse është i mundur ose jo fillimi i punës.

RISHM ka inspektuar minierën edhe gjatë kohës kur në të ishin ngujuar në grevë urie minatorët, duke dhënë alarmin për degradimin e saj.

Pak ditë më parë, minatorët dhe kompania konçesionare ACR arritën të nënshkruajnë marrëveshjen, pas plotësimit nga kompania të pjesës më të madhe të kërkesave të minatorëve të Bulqizës.