Riformatimi i qeverise opozita kunder Papandreut
Ndërsa pritet që kryeministri grek të paraqesë ndryshimet e propozuara në kabinetin e tij qeveritar me të cilin do kërkojë votën e mirëbesimit në parlament zyrtarë të partive opozitare kanë kërkuar dorëheqjen e Papandreut, si parakusht për çfarëdo marrëveshje koalicioni.
Sipas njoftimeve të mediave greke, bisedimet e Papandreut me opozitën konservatore për krijimin e një koalicioni të madh, dështuan. Konservatorët kanë kërkuar që programi i kursimeve, për të cilin është rënë dakord me BE dhe FMN, të diskutohet edhe një herë. Më kot, Papandreu kërkoi të fitojë përkrahje për shkurtimet e reja buxhetore të kërkuara nga BE-ja dhe FMN-ja.
Ndryshimin e kabinetit që shënon një hap prapa për kryeministrin socialist, Papandreu e propozoi pasi nuk pati mbështetje në parlament për planin e ri të taksave, shkurtimin e shpenzimeve dhe shitjen e pronave që i takojnë shtetit, për të fituar të drejtën e përfitimit të fondeve nga BE-ja dhe FMN-ja. Masat e reja duhet të marrin aprovimin e parlamentit para fundit të këtij muaji.
Ditën e diel parlamenti do t'i japë votëbesimin, njoftoi politikani socialist nëpërmjet televizionit shtetëror. Ditën e mërkurë një grevë e përgjithshme kundër politikës së kursimeve paralizoi pjesërisht jetën publike në Greqi. Dhjetëra mijëra njerëz dolën nëpër rrugë. Në Athinë pati përleshje me policinë. Ndërkohë vendet e zonës së euros diskutojnë për një paketë të dytë ndihme për Greqinë. Në vitin 2010 BE dhe FMN vendosën në dispozicion të Greqisë 110 miliardë euro.
Delina Bitraku
Sipas njoftimeve të mediave greke, bisedimet e Papandreut me opozitën konservatore për krijimin e një koalicioni të madh, dështuan. Konservatorët kanë kërkuar që programi i kursimeve, për të cilin është rënë dakord me BE dhe FMN, të diskutohet edhe një herë. Më kot, Papandreu kërkoi të fitojë përkrahje për shkurtimet e reja buxhetore të kërkuara nga BE-ja dhe FMN-ja.
Ndryshimin e kabinetit që shënon një hap prapa për kryeministrin socialist, Papandreu e propozoi pasi nuk pati mbështetje në parlament për planin e ri të taksave, shkurtimin e shpenzimeve dhe shitjen e pronave që i takojnë shtetit, për të fituar të drejtën e përfitimit të fondeve nga BE-ja dhe FMN-ja. Masat e reja duhet të marrin aprovimin e parlamentit para fundit të këtij muaji.
Ditën e diel parlamenti do t'i japë votëbesimin, njoftoi politikani socialist nëpërmjet televizionit shtetëror. Ditën e mërkurë një grevë e përgjithshme kundër politikës së kursimeve paralizoi pjesërisht jetën publike në Greqi. Dhjetëra mijëra njerëz dolën nëpër rrugë. Në Athinë pati përleshje me policinë. Ndërkohë vendet e zonës së euros diskutojnë për një paketë të dytë ndihme për Greqinë. Në vitin 2010 BE dhe FMN vendosën në dispozicion të Greqisë 110 miliardë euro.
Delina Bitraku