Rinumërimi i votave në Gjilan më 6 janar

Gjithsesi, ekspertët thonë se KQZ-ja duhet të jetë e gatshme edhe për një rivotim të mundshëm në këtë komunë.  Kreu i Sekretariatit të KQZ-së, Xhemajl Peçani tha se gjatë procesit të numërimit do të jetë i pranishëm një numër i madh i vëzhguesve ndërkombëtarë për shkak të ndjeshmërisë së procesit. Edhe përfaqësuesit e IFES-it shprehën bindjen se rinumërimi i votave për komunën e Gjilanit nuk do të marrë më shumë se dy ditë kohë. Ndërkohë, në mbledhjen e fundit të saj, KQZ-ja certifikoi edhe rezultatet përfundimtare të raundit të dytë të zgjedhjeve lokale për 18 komuna.