Rita, shaka me të ëmën

Rita Ora ka bërë shaka me nënën e saj, e cila nuk ka mundur  të fshehë hidhërimin për "skandalet" për të cilat Rita është përfolur në media.

Këngëtarja 21 vjeçare ishte e ftuar në BBC Radio One sot në mëngjes, ku u sfidua nga nikoqiri i emisionit që t'ia bëj një "mashtrim" nënës së saj. Rita pranoi sfidën, duke rënë dakord që t'i thotë diçka të papritur, për të parë reagimin e saj.

Gjatë telefonatës, Rita tha se "të pasmet i kanë dal në shesh", derisa ishte duke i hedhur plehrat  dhe se aty kishte pasur paparacë, qe e kanë fotografuar. 
Nëna  e Ritës nuk ishte i impresionuar.
"Pse i ke marrë mbeturinat?" tha ajo. "Për këtë është një punëtor lart! Nuk mund t'i  bësh gjithe këto skandale në gazeta".

Këngëtarja nuk mund të ndalej së qeshuri, gjë që e bëri nënen e saj edhe më të inatosur, por jo për një kohë të gjatë.
Pas pak, ajo qetësoi vajzën e saj duke i thënë se nuk ishte "turpi më i madh në familje", pasi Rita e pyeti nëse ishte e zhgënjyer me të.   Edhe pse ky incident ishte një shaka, kohët e fundit Rita vërtetë kishte telashe me nënën e saj. Ajo u kritikua nga e ëma,  pasi që ekspozoi aksidentalisht gjoksin në publik. /Indeksonline/