Robinho, i lumtur në City

Stephen Ireland ka insistuar se Robinho është i përqendruar në Manchester City. Në javët e fundit kanë filluar të qarkullojnë spekulime se Robinho dëshiron të largohet drejt Barcelonës, por City ka mohuar shitjen e tij.

Ndërsa Ireland ka theksuar se bashkëlojtari i tij është i lumtur të mbetet. Ai vërtet ka ndjenja të fuqishme ndaj klubit. Duket i lumtur dhe shumë i kënaqur këtu. Edhe familja e tij është adaptuar mirë dhe ai ndihet si në shtëpi, deklaroi Ireland për SkySports.com.