Roja i ambasades bullgare, rreh nje qytetare

Roja i ambasades Bullgare ka perfunduar nen hetim, pasi dyshohet se ka rrahur nje qytetare, e cila ishte ne radhe per te marre vizen. Luljeta Shahini, 40 vjece ka depozituar dje ne Komisariatin numer 3, nje kallezim penal ne ngarkim te shtetasit bullgar Dimiter Terpanov, 33 vjec. Ky i fundit ne te njejten kohe ka kallezuar Shahinin per fyerje. Sipas burimeve nga policia, Shahini ka qene duke pritur ne radhe per te marre vizen ne kete ambasade. Si pasoje e pritjeve te gjate ne radhe, gruaja eshte merzitur dhe ka nisur te ulerase. Por ne ato momente roja i ambasades, Terpanov e ka shtyre dhe me pas e ka goditur. Pas kesaj ngjarjeje, gruaja eshte paraqitur ne Komisariatin numer 3, ku e akuzon rojen per "rrahje". Policia e Tiranes ka nisur hetimet per te dy personat, ne te njejten kohe. Nderkohe qe te dy kallezuesit do te merren ne pyetje, ne lidhje me ate qe ka ndodhur ne ambientet e ambasades. Sipas burimeve ne pyetje do te merren dhe persona te cilet kane qene prezent, qe te zbardhet e plote ngjarja.