Ronaldo, mbipesha pengon rikthimin Fenomen
Po shikon drite ne fund te tunelit, por per te dale serish prej tij duhet te zbrese ne fushe dhe te tregoje se cfare di te beje nje fenomen i vertete.
Ronaldo vazhdon te stervitet me brazilianet e Flamengos pas operacionit ne gjurin e majte te kryer ne shkurt. Sulmuesi brazilian nuk e ka vendosur ende skuadren per te cilen do te luaje, por eshte i bindur se do rikthehet edhe nje here ne formen e meparshme.
Vrapon pa pushim ne fushe por ende nuk arrin te fitoje formen ideale per shkak te mbipeshes qe po kthehet ne nje problem konstant per te. Pervec titujve dhe kupave te shumta, ai duket se ka fituar nje tjeter trofe, ate te “futbollistit me te shendoshe ne bote”. “Fenomeni” ka zene vendin e pare ne nje sondazh te zhvilluar nga gazeta “The Sun”, duke lene pas “kundershtare” te tille si, William Foulke, Micky Quinn, Ferenc Puskas, John Hartson etj.
Por, duke lene menjane kete problem, Ronaldo premton rikthimin spektakolar si dikur, pa permendur skuadren apo momentin. Ai ka theksuar disa here se ky demtim nuk i ka dhene fund karrieres. Tre skuadrat me te mundshme per te fituar sherbimet e brazilianit jane, Manchester City, PSG dhe Sampdoria.