Rregullorja, kriteret e reja per t'u bere mesues

Hyjne ne fuqi rregullat e reja per t'u bere mesues. Udhezimi i Ministrise se Arsimit dhe Shkences per organizimin dhe zhvillimin e praktikave profesionale per profesionin e rregulluar te mesuesit, i botuar ne fletoren zyrtare, percakton rregullat e reja se si nje praktikant mund te behet mesues, perfshi ketu edhe dhenien e Provimit te Shtetit. Ne kete udhezim percaktohet se "praktike profesionale per profesionin e rregulluar te mesuesit" eshte ushtrimi i profesionit te mesuesit nga praktikanti, nen drejtimin e pergjegjesine e mentorit dhe realizohet per te fituar te drejten e hyrjes ne Provimin e Shtetit. Po sipas rregullores, praktikanti eshte personi qe gezon nje dokument zyrtar te formimit profesional ne fushen e mesuesise dhe qe kandidon per te fituar te drejten e ushtrimit te profesionit te mesuesit. Sipas udhezimit, dokument zyrtar i formimit profesional ne fushen e mesuesise, eshte diploma e leshuar nga institucionet e arsimit te larte (IAL), ne perputhje me rregullat e procedurat e parashikuara nga legjislacioni ne fuqi dhe qe certifikon perfundimin e suksesshem te formimit profesional te zhvilluar brenda apo jashte territorit te Republikes se Shqiperise, ne fushen e mesuesise. Gjithashtu, ne kete udhezim percaktohet edhe "Mentori", i cili eshte mesuesi i institucionit arsimor te praktikave profesionale, qe drejton praktiken profesionale te nje a me shume praktikanteve, qe zhvillojne praktiken ne kete institucion. Sipas udhezimit, kandidati per praktikant perzgjedh IAPP-te nga lista vjetore e publikuar ne faqen e MASH-it dhe dergon kerkesen per zhvillimin e praktikes profesionale prane DAR/ZA-se perkatese. Kerkeses se paraqitur, kandidati duhet t'i bashkengjise keto dokumente: CV e praktikantit, fotokopje e noterizuar e dokumentit te identifikimit, fotokopje e noterizuar e diplomes se studimeve universitare ne fushen e edukimit, fotokopje te noterizuar te listes se notave te leshuar nga institucioni i arsimit te larte, raporti mjeko-ligjor, vertetim nga prokuroria qe nuk eshte ne ndjekje penale. Dokumentacioni (pervec formularit te aplikimit) dorezohet prane DAR/ZA-se vetem ne aplikimin e pare dhe sherben edhe per aplikimet pasardhese, ne rast se praktikanti nuk e kryen me sukses praktiken profesionale. Nese praktikanti riaplikon ne nje DAR/ZA tjeter, ai terheq dokumentacionin nga DAR/ZA, ne te cilen kishte aplikuar ne fillim dhe e dorezon ne DAR/ZA-ne tjeter. Sipas rregullores, perjashtohet nga detyrimi per te dhene praktiken profesionale personi qe e ka kryer praktiken profesionale dhe ka fituar te drejten e ushtrimit te profesionit te rregulluar te mesuesit jashte Republikes se Shqiperise, ne perputhje me percaktimet e Keshillit te Ministrave. Ne kete rast personi nuk kryen praktiken profesionale, por zhvillon vetem Provimin e Shtetit. Perjashtohet gjithashtu edhe personi qe ka kryer te pakten nje vit pune si mesues ne nje institucion arsimor dhe ka fituar diplomen.

Norma e praktikantit, ne raport me mesuesit

Sipas rregullores se Ministrise se Arsimit dhe Shkences, praktikanti e ka normen e praktikes profesionale sa norma e mesuesit te profilit perkates. Praktikanti jep mesim 1/4-en e normes javore te mesuesit perkates. Pjesa tjeter e normes ndahet: 1/2 e oreve si mesues ndihmes dhe 1/2 e oreve per vezhgime te procesit mesimdhenes. Praktikanti ka detyrime profesionale te njejta me ato te mesuesve te institucionit arsimor, perfshire pjesemarrjen ne mbledhjet e ekipit lendor e te keshillit pedagogjik, si dhe detyren e mesuesit kujdestar. Praktika profesionale zhvillohet sipas nje programi qe hartohet nga Instituti i Zhvillimit te Arsimit, ne bashkepunim me institucionet perkatese te arsimit te larte. Kohezgjatja e praktikes eshte 9 muaj.