Kaosi në trafikun rrugor, këmbësorët nuk ndëshkohen me gjobë
Tiranë – Policët e qarkullimit rrugor, ndërsa qëndrojnë me blloqe gjobash në dorë, përpiqen të disiplinojnë vetëm automjetet. Po qytetarët që shkelin rregullat, që nuk respektojnë semaforin, as vijat e bardha? Policia nuk ka ende një praktikë të tillë, pra që të penalizojë edhe qytetarin. I vetmi penalizim për të është makina që e përplas në rrugë. Ndryshe nga vendet e tjera ku qytetari është njësoj i ndëshkueshëm, si në makinë ashtu edhe në këmbë. Gazeta IDEA trajtoi këtë cështje dhe nga një vëzhgim i saj rezultoi se në rrugët e kryeqytetit pakkush i respekton rregullat e qarkullimit rrugor. I pyetur në lidhje me çështjen e ngritur nga Gazeta IDEA Kryekomisari Ali Allaraj, shefi i njësisë së policisë rrugore në Tiranë, shprehet se mungesa e kulturës qytetare është një ndër faktorët kryesorë në rritjen e numrit të aksidenteve
Shumë qytetarë ecin kuturru rrugëve, nuk respektojnë as semaforin e as vijat e bardha. Sa ka ndikuar kjo në numrin e aksidenteve?
Pra po të marrim çdo lloj segmenti, pothuajse në të gjithë gjatësinë, veç ai i Laprakës, numri i aksidenteve në të është i lartë. Dhe kjo për shkak të kalimit të këmbësorëve në mënyrë të shkujdesur.
Policët i gjobisin drejtuesit e makinave kur i shkelin rregullat, pse nuk veprohet edhe me qytetarët kështu?
Kemi synuar më shumë ndërmjet këshillimit sesa me masa administrative sepse shumica janë pa mjet identifikimi dhe nuk i dihet adresa për t’i vënë gjobë. Plus, ëshë vjelja e gjobës tek qytetarët është shumë e vështirë. Eshtë një process kompleks.
Mendoni se mund të japë efekt metoda e edukimit?
Është menduar që të bëjmë njëfarë ndërgjegjësimi duke parashikuar që zbatimi i rregullores që lëvizjes në rrugë të futet edhe në arsim. Po planifikohet që të zhvillohen orë mësimi përsa i përket normave të sjelljes rrugore.
Edhe drejtuesit e automjetee nuk qëndrojnë prapa në shkeljen e rregullores. A kanë sjelle efekt masat e marra?
Për drejtuesit e automjeteve është ndërmarrë masë administrative, por duke qenë se janë të shpeshta nuk kanë qenë të mjaftueshme. I janë vendosur gjoba shoferëve për mos zbatim të sinjalistikës së vijave të bardha. Masa është nga 500 deri në 2000 lekë.
Cilat janë shkaqet e pamjaftueshmërisë së këtyre masave?
Shkak janë dhe mungesa e sinjalistikë srrugore. Vijat e bardha janë pothuajse në zhdukje.
Cilat janë segmentet rrugore ku numri i aksidenteve është më i lartë për mos respektim të sinjalistikës rrugore?
Segmentet më të rrezikshëm janë Sheshi Rilindja, Dogana, dhe Zogu i Zi. Aksidentet më të mëdha në këto segmente vijnë si pasojë e mos respektimit të sinjalistikës rrugore.
Si është vepruar në këto segmente?
Çdo segment ka një përgjegjës dhe ajo që synohet nga të dyja palët është respektimi i Kodit Rrugor. Dhe ne jemi përpjekur të lëmë nga një përgjegjës në k’to segmente për të reduktuar numrin e aksidenteve.
Çfarë masash janë menduar të ndërmerren për zbatimin e kodit rrugor si nga shoferët ashtu edhe nga këmbësorët?
Ndëshkimi është formë zbatimi i të gjithë kundravajtësve. Mirëpo ndaj këmbësorëve nuk ka dhënë efektet e duhura. Mendoj se me krijimin e mundësive për nënkalime e mbi kalime sidomos në zonën e Laprakës duhet të ishte mjaft e efektshme.
Allaraj shtoi gjithashtu se në rritjen e numrit të aksidenteve ndikojnë jo vetëm mos respektimi i sinjalistikës rrugore nga këmbësorët dhe shoferët por edhe mungesa e mbikalimeve, nënkalimeve dhe e semaforëve. Dhe ndërsa vazhdon mungesa e sinjalistikës rrugore dhe mungesa e ndërmarrjes së masave administrative ndaj qytetarëve që nuk respektojnë sinjalisitkën numri i aksidenteve do vazhdojë të rritet çdo ditë e më shumë.
Erisa Sallaku/ IDEA
Shkrime të tjera me interes: