Rriten çmimet e perimeve për festat

Ardhja e festave të fundvitit në Shqipëri rrit çmimet e perimeve. Perimet e tregtuara në pazarin e ri kanë pësuar një rritje me rreth 20- 30 lekë. Tregtarët shprehen se rritja e çmimit ka ardhur dhe si rezultat i hyrjes së mallit të importit i cili gjithmonë është më i shtrenjtë. Ndërkohë që frutat nuk kanë pasur ndryshim në çmimin e tyre.
Ndërkohë që ka filluar të shitet edhe mbreti i darkës së Vitit të Ri gjeli i detit i cili kushton 800 lekë për kilogram. Tregtarët shprehen pas kamerave se ka pasur shitje megjithëse në ditët në vazhdim pritet që të rritet më shumë kërkesa.