Rritja e cmimit te bukes ne Vlore hetim nga Autoriteti i Konkurrences

Autoriteti i Konkurrencës ka shtrirë hetimin mbi të gjitha mallrat në tregje, çmimet e të cilave janë rritur në mënyrë të menjëhershme.
Në një konferencë për mediat, kryetarja e këtij institucioni, Lindita Lati deklaroi se aktualisht hetimi ka përparuar në tregun e bukës, në qytetin e Vlorës.

Sipas saj, në këtë qytet, janë vënë re abuzime me çmimin e këtij produkti dhe si rrjedhojë do të merren masa, nëse nuk reflektohet ulje në çmime.

Sipas Latit, tregtarët që nuk ndërgjegjësohen do të ndëshkohen me gjobë deri në 10 për qind të xhiros vjetore.