Rruga Ballsh-Tepelene me 12 pika te rrezikshme

Segmenti rrugor Ballsh-Tepelene ku dy jave me pare u regjistrua aksidenti tragjik me 9 viktima dhe 41 te plagosur eshte sot nje nga rruget me te rrezikshme ne vend. Keshtu shprehen ne Prefekturen e Fierit nga ku vetem nje dite me pare eshte bere kerkesa e radhes drejtuar qeverise per nderhyrjen ne infrastrukturen e saj.

Shefi i emergjencave civile ne Prefekturen e Fierit Viron Balla eshte shprehur per gazeten Shqip se segmenti rrugor Ballsh-Tepelene ka plot 12 pika te rrezikshme. Rruga ka nje gjatesi prej 24 km nderkohe qe ne cdo dy km rreziku eshte prezent. Behet fjale per vendet ku rruga ka ceduar si pasoje e rreshqitjeve e qe jane kthyer ne nje shqetesim per drejtuesit e automjeteve. Keta te fundit pranojne se jane te rrezikuar ndersa kalojne segmentin ne fjale tha Viron Balla.

Balla vecon 2 pika si me te nxehta per nga rrezikshmeria e larte qe ato kane. Povla dhe kthesat e Greshices jane sot pothuajse te pakalueshme. Ne keto dy pika rreziku eshte shume here me i larte. Duhet qe te nderhyhet menjehere tha me tej shefi i emergjencave Viron Balla.

Sipas tij ajo qe coi ne shkaterrimin e rruges ka te beje me investimet e munguara si dhe investimet siperfaqesore qe kurre nuk kane prekur deri ne taban rrugen. Gjithashtu edhe mungesa e pyllezimit te zonave perreth si dhe demtimi i pyllezimit ekzistent eshte nje faktor me shume per situaten e krijuar e cila do te rendohet edhe me shume teksa pretendohet qe rruga te kthehet ne rruge dytesore pasi po ndertohet autostrada Levan-Tepelene.