Ruci: Berisha kerkon vjedhje me votim elektronik

Ashtu sic kane premtuar, deputetet e Partise Socialiste, e bojkotuan seancen e djeshme plenare ne perfundim te kohes se caktuar per diskutimet jashte rendit te dites. Te gjithe deputetet e opozites me radhe, kerkuan dje transparence te zgjedhjeve te 28 qershorit, si e vetmja mundesi per te zgjidhur krizen politike, ekonomike dhe sociale ne vend. Kryetari i grupit socialist, Gramoz Ruci, i beri edhe njehere thirrje kryeministrit qe te marre ne konsiderate ftesen e opozites per transparence. "Nuk ka zgjidhje te krizes politike, pa transparence te zgjedhjeve. Mos harroni zoti kryeminister, se jeni autor i vjedhjes se zgjedhjeve me mjete primitive ne vitin 2006, me lista dhe kartat elektronike i vodhet ne vitin 2009 dhe tani do t'i vjedhesh me votim elektronik. Shqiptaret duan te zgjidhin krizen politike. Ne vend qe te shikosh krizen politike dhe kerkesat e opozites per transparence perseri hedh shashkat e radhes", beri thirrje Ruci. Po keshtu edhe socialisti, Blendi Klosi tha se politika e qeverise eshte si te bllokoje opoziten, ndaj socialistet do te dalin ne protesta. Sipas Klosit, ka ardhur koha qe kjo qeveri e drejtuar nga kryeministri Sali Berisha duhet te iki. "Ka ardhur koha qe te mendoni te ikni. Fundi juaj zoti kryeminister jane kutite e votimit. Lejoni transparencen. Socialistet e kane zgjedhur rrugen e tyre, do te protestojme me shqiptaret per transparence qe t'ju largojme nga karrigia. Se socialistet nuk do te terhiqen nga kauza per transparence te plote te zgjedhjeve e beri te ditur edhe deputeti Fatmir Toci. "Ne jemi te bindur per parregullsite ne kutite e votimit dhe do t'i shkojme deri ne fund kauzes tone per transparence te plote te zgjedhjeve", tha Toci. Ai shtoi se banoret e zones se tij elektorale do t'i bashkohen protestave per shkak te vjedhjes se tokes, rrembimit te saj dhe pushimet nga puna per te vendosur militante.