Ruci: Perfaqesuesit e Berishes dhe Rames u takuan ne Bruksel

Rozeta Rapushi
Eksperte te djathte dhe te majte, kane vijuar ne emer te Kryeministrit Sali Berisha dhe kreut te opozites, Edi Rama, negociatat me nderkombetaret ne Bruksel per zgjidhjen e ngercit politik. Kryetari i grupit parlamentar socialist, Gramoz Ruci, rrefeu dje nga foltorja e Kuvendit, se vetem dy dite me pare, ne 15 qershor perfaqesuesit e Berishes dhe Rames, zhvilluan negociata me nderkombetaret ne Bruksel, por serish pa rezultat. “Ju e dini shume mire, se dy takime te tjera u zhvilluan ne Bruksel nga perfaqesuesi yt dhe i Rames me nderkombetaret. I derguari i Rames, i tha po zgjidhjes, i derguari juaj i tha jo”, iu drejtua ne seance Berishes, Ruci. Sipas tij, pas ketyre takimeve, dy iniciatoret e thirrjes se tryezes, kreu i grupit parlamentar te Partive Socialdemokrate ne Parlamentin Evropian, Martin Schultz dhe ai i Partive Popullore Evropiane, Joseph Daul, u detyruan te dalin ne deklarate per shtyp per te dhene qendrimin e tyre. “Ne jemi ketu per liberalizimin e vizave per integrimin e vendit, jo per t’i vene vizen Shqiperise. Ju, mos e pengoni me procesin e liberalizimit te vizave. Ende nuk eshte vone dhe deri ne fund te qershorit nderkombetaret do te japin vleresime te tjera. Mos lejoni qe t’i vene vizen Shqiperise”, tha Ruci. Sipas tij, ne vend qe kryeministri te vije ne seance plenare dhe te jape sqarime dhe zgjidhje per situaten e krijuar, debaton e nuk ndryshon qendrim. Ruci akuzoi demokratet dhe kreun e tyre, Berishen se po e mbajne peng per fyti zgjidhjen e krizes politike ne vend dhe se nuk e pranojne ende ate. “Ne i themi po, projektligjeve te rendesishme, por ato nuk duhet te jene politike. Ne jemi dakord te votojme projektligjin per Gjykaten Administrative, por nuk mund te pranojme nje gjykate politike”, vijoi kreu i grupit socialist. Ai edhe nje here i kerkoi kryeministrit qe te pranoje propozimet e nderkombetareve dhe te jape zgjidhje per krizen e renduar ne vend. Nderkohe qe ne replike me kryeministrin Berisha, ai e akuzoi ate si sundimtar jo pushtetar. “Ju i thate stop negociatave. Ju s'jeni per marreveshje dhe s'doni ta zgjidhni krizen. Zoti ju shtofte jeten! Por jo ate politike, se nuk e keni ju ne dore. Fundi do te jete i nje sundimtari dhe jo i nje pushtetari. Ju bej apel sa nuk eshte vene qe t'u mbaroje dhe durimi nderkombetareve qe t'i vene vizen Shqiperise”, tha Ruci. Debati ne Kuvend ne seancen e djeshme plenare, nuk prodhoi asnje zgjidhje mbi ngercin politik, perkundrazi kristalizoi edhe njehere qendrimet e kunderta te paleve per zgjidhjen e ketij ngerci.