Ruci: Spoti, Berisha abuzoi me ligjin
Partia Socialiste akuzon kryeministrin Sali Berisha se abuzoi me ligjin duke perdorur taksat e shqiptareve per propagande elektorale, si spoti i tij i fundit televiziv. Kryetari i Asamblese Kombetare te kesaj partie, Gramoz Ruci tha dje se kreu i qeverise ka abuzuar dhe me vendimin e qeverise se tij, qe i ndalon institucionet shteterore te shpenzojne per spote televizive per te reklamuar punen e tyre. "Partia Socialiste i ben apel kryeministrit te Shqiperise te mos shperdoroje detyren dhe leket e shqiptareve per te bere propagande te paligjshme elektorale, te mos ushtroje dhune mbi mediat qe transmetojne lirisht dhe ligjerisht opinionet e qytetareve ne larmine e paraqitjes se tyre, perfshire edhe spotet televizive" u shpreh Ruci. Sipas tij, nese kryeministri nuk e degjon kete apel, atehere selia roze do ta konsideroje kete abuzim, si shkelje te lirise e te ndershmerise se procesit elektoral, te cilin Kryeministri s'mund ta filloje as me leket e qytetareve dhe as duke shkelur te drejtat e tyre dhe ligjet e Republikes se Shqiperise. Nga ana tjeter, Ruci shprehu keqardhjen dhe per sjelljen brutale me mediat te Kryeministrit. Sipas tij, Berisha nga njera ane blen me leket e qytetareve shqiptare hapesire reklamash televizive per veten e tij dhe nga ana tjeter dhunon me gjoba te paligjshme ekranet qe nuk shkelin te drejten shoqerise civile per ta denoncuar kete abuzim te shumefishte te tij.