Taci: Gati 240 milion dollare investime
ARMO do te hyje se shpejti ne nje faze te re te administrimit dhe zhvillimit te saj, deklaroi Drejtori i Konsorciumit ne Shqiperi zoti Rezart Taci, pak pas miratimit te kontrates nga qeveria. "Me nje projekt investimi te parametrave modern ne nje shifer prej 240 milion dollare per 5 vitet e para konsorciumi do te nderrmare hapa per ta sjelle produktin e dy rafinerive te Ballshit dhe Fierit ne perputhje me kushtet dhe kerkesat me te mira te tregut" tha Taci. Investimi sipas drejtorit te konsorciumit do te perfshije rinovimin e teknologjise, infrastrukturen teknike dhe ate profesionale, trajnim te punonjesve, reforma sociale duke vleresuar padyshim pervojen e punonjesve te kompanise Armo. "Eshte parashikuar nje pakete e rendesishme per permiresimin e parametrave te ambientit pasi ne keto vite zona ku jane vendosur dy rafinerite ajo e Ballshit dhe e Fierit kane qene shume problematike per ndotjen ambientale. Shifra prej 50 milion USD do te investohet ne kete drejtim qe brenda disa vitesh te kemi tregues optimal. Studimi dhe projekti eshte pergatitur nga ekspertet me te mire ne kete fushe te cilet do te ndjekin nga afer zbatimin e tij"u shpreh Taci .