Rumani, shperthim gazi ne miniere

Dy shperthime nga gazi ne nje miniere qymyrguri ne jug te Rumanise i kane marre jeten 12 minatoreve, ndersa te pakten 8 te tjere jane shtruar ne spital me djegie te renda. Kater nga viktimat e fatkeqesise gjeten vdekjen nga shperthimi i dyte, pasi vrapuan t’u shkonin ne ndihme kolegeve te tyre.

Miniera e qytezes se vogel Petrila, eshte nje nga me te thellat e vendit. Per kete arsye, ekipet e ndihmes e paten jashtezakonisht te veshtire punen ne tunelet e saj. Shperthimi i pare ndodhi ne thellesine 950 metra.

Shkak i tij u be nje perqendrim shume i madh gazi metan. I dyti, kater ore me vone, zuri brenda edhe punetoret qe nxituan te ndihmonin te tjeret.

Episodi konsiderohet nje prej aksidenteve me te renda ne industrine minerare te vendit, dikur aq ne lulezim sa vetem ky sektor punesonte gati gjysme milioni njerez.

Ne vitet 90, minatoret ishin ne Rumani nje force politike qe ngjallte frike. Por vitet e fundit, kjo industri po lufton t’i mbijetoje konkurences nga qymyrguri me i lire i importit dhe forma te tjera me te preferuara te energjise.