Rusi: Mund të tërhiqen licencat e 30 kompanive ajrore

Rusi mund t`i tërheqë licencat e 30 kompanive të vogla ajrore, për shkak të procedurave të dobëta të sigurisë.Kështu ka njoftuar sot shefi i Agjencisë federale të transportit ajror, Aleksander Neradko.

Ai theksoi se tashmë janë përgatitur dokumentet për anulimin e licencës për tre kompani. Ai nuk i ka emëruar se cilat janë këto kompani, por tha se 30 kompani kanë dështuar t`i arrijnë standardet e sigurisë dhe ato financiare, kështu që atyre u kanoset rreziku i marrjes së licencës.

Ky zhvillim u bë pasi presidenti i Rusisë, Dmitri Medvedev, ka urdhëruar qeverinë e tij që t`i ndalë fluturimet e kompanive të pasigurta, pas përplasjes së fundit të një aeroplani, në të cilin humbën jetën 44 vetë, shumica prej tyre, anëtarë të një ekipi të njohur të hokejit në akull.