Rusia: FMN dhe BB duhen reformuar
Presidenti rus Dimitri Medvedev beri thirrje dje per "reformimin" e Fondit Monetar Nderkombetar, FMN, dhe te Bankes Boterore, duke i kritikuar keto institucione te financave nderkombetare per keqadministrim te krizes ekonomike, sipas nje interviste per televizionin publik. "Duhet te ndryshojme disa gjera thelbesore, perfshire edhe ato qe lidhen me punen e institucioneve financiare nderkombetare", theksoi Medvedev ne nje interviste te publikuar ne faqen e internetit te Kremlinit. "Kriza aktuale ka treguar se veprimet e tyre jane larg ideales; ato te Fondit Monetar Nderkombetar, te Bankes Boterore dhe te strukturave te tjera", theksoi presidenti rus, duke iu pergjigjur nje pyetjeje lidhur me qendrimin e Moskes ne samitin e ardhshem te grupit te 20 vendeve me te zhvilluar te botes, G20, i parashikuar per me 2 prill ne Londer. "Behet fjale per nje reformim te veprimtarise se institucioneve financiare nderkombetare", deklaroi Medvedev. "Duhet te rregullohet aktiviteti i tyre dhe te perpiqemi qe ai te jete me i drejte ndaj shteteve qe kane hyre se fundmi ne radhet e ekonomive me te medha, te ekonomive ne rrugen e zhvillimit, nenkuptoj ketu Rusine dhe vendet e tjera, me te cilat ne bashkepunojme", deklaroi ai.