Rusia: Nëse Britania vijon me sanksionet, do shkatërrojë përfundimisht marrëdhëniet dypalëshe

Rusia paralajmëron Britaninë se nëse vijon me sanksionet ndaj saj marrëdhëniet dypalëshe do të shkatërrohen. Ministria e Jashtme ruse thërriti ambasadoren britanike në Moskë, Deborah Bronnert  lidhur me sanksionet e fundit që Britania vendosi kundër Rusisë, duke përfshirë sanksionet kundër Kompanisë Shtetërore të Televizionit dhe Radios Ruse.

“Ambasadorit iu tha papranueshmëria e veprimeve të tilla shkatërruese, vazhdimi i të cilave do të çojë në mënyrë të pashmangshme në shkatërrimin përfundimtar të lidhjeve dypalëshe dhe dëmtimin e marrëdhënieve midis popujve të Rusisë dhe Mbretërisë së Bashkuar. Vendosja e sanksioneve ndaj mediave ruse  vetëm për shkak se mbulimi dhe interpretimi i tyre i ngjarjeve që ndodhin në botë nuk është në përputhje me modelet perëndimore, konfirmon edhe një herë qartë dyfishimin dhe cinizmin e politikanëve britanikë, për të cilët një gjë e tillë si liria e media nuk është gjë tjetër veçse një mjet për zgjidhjen e problemeve të tregut”, thuhet në deklaratën e Ministrisë së Jashtme ruse.

Rusia akuzoi Britaninë se  po bën deklarata “kërcënuese” dhe “të ndërthurura me gënjeshtra” kundër Moskës.

“Pala ruse do të vazhdojë të përgjigjet ashpër dhe me vendosmëri ndaj të gjitha sanksioneve të iniciuara nga Londra dhe të marrë masa hakmarrëse”, tha Ministria e Jashtme ruse./CNN

/rtsh.al/