Ryshfetet per patentat, ja si beheshin falsifikimet

Kursantet e autoshkolles "Univers Vip" kishin mbaruar shkollen e mesme apo 9-vjecare ne rrethin e Hasit. Kete fakt e kane bere te ditur burime zyrtare nga Prokuroria e Tiranes pas operacionit per arrestimin e tre inspektoreve te Drejtorise se Transportit dhe dy drejtuesve te autoshkolles, njeri nga te cilet polic, per akuzen e korrupsionit me patentat. Hetimet e nisura nga ana e Tas-Forces per patentat te cilat jepeshin ne autoshkollen "Uvivers Vip" kane pasur dokumentacione te falsifikuara. Sipas investigimit te kryer dhe deshmive te mbledhura studentet kane perdorur nje vertetim nga shkolla e mesme ose ajo 9-vjecare te cilen e kishin mbaruar ne qytetin e Hasit. Nderkohe qe vete kursantet e kane pranuar kete fakt duke bere te ditur se nje vertetim kushtonte vetem 5 mije leke te vjetra, qe plotesohej vete ne moment. Mesohet se vertetimi ishte i vulosur perpara se te plotesohej. Nga ana tjeter te gjithe keta kursante nuk kishin qene ndonjehere ne qytetin e Hasit dhe vinin nga rrethe te ndryshme te vendit tone. Nderkohe qe pas verifikimit te dokumenteve nga ana e prokurorise ka rezultuar se falsifikimet e ketyre vertetimeve beheshin ne Tirane. Pese jane te pandehurit e marre nen hetim nga ana e Prokurorise per ryshfetet e dhena me qellim perfitimin e nje patente. Emiljano Kahu, 31 vjec, Sokol Breca, 43 vjec, pronari i autoshkolles "Univers Vip", Kadri Dajci, 52 vjec, si dhe dy instruktoret Jonuz Meshi, 58 vjec dhe Qazim Hoxha, 57 vjec. Prokuroria e Tiranes ka ngritur ndaj tyre akuzen e "korrupsion pasiv te personave qe ushtrojne funksione publike", "korrupsionit pasiv dhe aktiv ne sektorin privat", si dhe te "falsifikimit te dokumenteve zyrtare ne bashkepunim". Gjate investigimit te kryer u mesua se kursantet paguanin deri ne 35 mije leke te reja per te perfituar nje patente, pervec tarifes shteterore te vendosur per kete dokument. Po keshtu, dyshohej se tezat e provimit plotesoheshin nga vete instruktoret dhe operacioni eshte zhvilluar gjate momentit te testimit ne teori. Por te pandehurit nuk kane pranuar akuzat e ngritura nga hetuesit.

Inspektori kerkon liri, gjykata e le ne burg

Gjykata e Larte ka vendosur dje te lere ne fuqi masen e sigurise te vendosur nga dy shkallet e tjera ne lidhje me te pandehurin Emiljano Kahu, me detyre inspektor policie. Pas rekursit te bere nga avokati mbrojtes, Kolegjet e Bashkuara kane vendosur te lene ne fuqi masen e sigurise "arrest me burg" deri ne perfundim te hetimeve.

R.Caushaj