S’ka status të kandidatit për Serbinë

Eskalimi i situatës në veri të Kosovës, i ka kushtuar rëndë Serbisë. Zhvillimet e fundit në veri, i kanë zvogëluar gjasat Serbisë para 9 dhjetorit ku pritej t’i jepej këtij shteti statusi i kandidatit për anëtarësim në Bashkimin Evropian. Gazeta Novosti e Beogradit shkruan se kjo mundësi i është shtyrë Serbisë për në mars apo prill, transmeton indeksonline.

Një kontribut të veçantë në këtë drejtim po i jep kundërshtimi kategorik i Gjermanisë ndaj Serbisë.

Se në cfarë pozicioni do të jetë Serbia para “ditës D”, do të merret vesh më 5 dhjetor, kur mblidhen shefat e diplomacive të shteteve të BE-së.

“Një numër i madh i shteteve mbështesin kandidaturën tonë, por disa shtete kanë vënë kushte për arritjen e hapave konkret në dialogun me Kosovën, si dhe zbatimit të marrëveshjeve që janë arritur deri tash”, ka thënë zëvendëskryeministri serb për integrime evropiane, Bozhidar Gjeliqit.