SHBA, Al Maliki takon Obamën

Kryeministri iraken Nuri Al Maliki do të takohet sot në Uashington me presidentin amerikan Barak Obama. Takimi vjen një ditë pasi bombat në Irak, vranë të paktën 18 njerëz dhe plagosën shumë të tjerë. Një nga qëllimet e vizitës së kryeministrit Al Maliki në Shtetet e Bashkuara, është që të bindë investitorët e pasur se Iraku është vend tërheqës për biznes.
Megjithatë, sulmet e vazhdueshme, por me një ritëm relativisht të ulët, si dhe shqetësimet amerikane se pajtimi mes fraksioneve të Irakut nuk është duke lëvizur shpejt, mund të zbehin përpjekjet e kryeministrit Al Maliki në këtë drejtim.