SHBA: Lufta ndaj terrorizmit, Kosova ka bashkepunuar fort

Raporti i Departamentit te Shtetit per terrorizmin trajton dhe gjendjen ne Kosove. Ne vitin 2009 nuk ka pasur akte te drejtperdrejta terrorizmi ne Kosove, megjithese ekstremiste islamike ishin te perfshire ne komplote terroriste brenda vendit dhe ne plan nderkombetar. Ekstremistet kane vazhduar te mbajne lidhje me krimin e organizuar. Qeveria e Kosoves dhe EULEX-i kane mbikeqyrur gjate gjithe vitit aktivitete qe dyshohet te jene terroriste. Agjencia Kosovare e Inteligjences dhe EULEX-i dyshojne se disa nga shume organizatat islamike joqeveritare qe veprojne ne Kosove, ishin te perfshira ne aktivitete te dyshimta terroriste, ne vecanti ne pastrimin e parave per veprime terroriste ne Lindjen e Mesme. Qeveria eshte perpjekur t’i parandaloje ekstremistet qe te perdorin OJQ-te per te fituar terren ne Kosove. Policia e Kosoves dhe Njesia Kunder Terrorizmit e EULEX-it jane pergjegjeset kryesore ne luften kunder terrorizmit. Te dyja keto struktura vazhdojne te perballen me mungese burimesh, stervitjesh dhe ekspertize.
Ato jane te fokusuara ne parandalimin e sulmeve terroriste dhe aftesimin e pajisjen e oficereve. Kufijte e pakontrolluar mire, ku lehtesisht mund te hyjne individe te perfshire ne trafikimin e njerezve, armeve dhe narkotikeve, kane demtuar perpjekjet e Kosoves kunder terrorizmit. Megjithate, Ministria e Brendshme ka bere disa perparime modeste ne permiresimin e kontrollit te kufijve. Pasaportat e Kosoves kane nje numer garancish sigurie. Zyra e Prokurorit Special te Kosoves, e krijuar ne vitin 2006, ka kryer te gjitha hetimet qe lidhen me terrorizmin.