SHBA-Rusi, fillon raundi i gjashtë i negociatave të START

Takimi i negociatorëve ndërmjet dy palëve zhvillohet pak ditë pas deklaratës së presidentit amerikan Barak Obama për anulimin e ndërtimit të një sistemi mbrojtës antiraketë në Çeki dhe Poloni.
     
Pritet që palët të arrijnë në një marrëveshje për reduktimin dhe vënien e limiteve për armët strategjike ofensive, marrëveshje që duhet të zëvendësojë traktatin "START", që skadon më pesë dhjetor të këtij viti.
 
Bisedimet zhvillohen me dyer të mbyllura dhe nuk janë dhënë detaje për kohëzgjatjen e takimit.