SHBA Shqiperia progres te admirueshem mbeshtetje reformave te qeverise
Haxhinasto takon ndihmessekretarin e Shtetit te SHBA-ve. Gordon Thellim marredhenieve SHBA-Shqiperi.
Shtetet e Bashkuara te Amerikes vleresojne progresin qe ka arritur qeveria shqiptare ne rrugen e saj drejt integrimit te vendit duke garantuar mbeshtetje per vijimesine e tyre. Kjo garanci iu dha dje ne Nju Jork ministrit tone te Jashtem Edmond Haxhinasto gjate takimit me ndihmessekretarin e Shtetit te SHBA-ve per ceshtjet e Evropes dhe Euroazise z. Philip Gordon. Gjate takimit ndihmessekretari i Shtetit Gordon shprehu vleresimet me te larta per nivelin e shkelqyer te marredhenieve qe ekzistojne mes Shqiperise dhe Shteteve te Bashkuara si dhe angazhimin e shtetit amerikan per thellimin e metejshem te ketyre marredhenieve. Ne kete kuader ai shprehu falenderimet e tij per ndihmen qe Shqiperia eshte duke dhene ne Afganistan si dhe per punen lobuese qe vendi yne ka bere deri ne kete moment per ceshtjen e Kosoves si perpara ashtu edhe pas daljes se vendimit te GJND-se. Pa rolin qe ka luajtur Shqiperia nuk do te ishim ketu ku jemi sot ne konsolidimin e shtetit te Kosoves - u shpreh z. Gordon. Z. Haxhinasto dhe z. Gordon shkembyen mendime ne lidhje me zhvillimet me te fundit ne Shqiperi duke u ndalur vecanerisht ne perpjekjet qe qeveria eshte duke bere ne drejtim te forcimit te shtetit ligjor si dhe ruajtjes se tendences pozitive ne rritjen ekonomike te vendit. Gjithashtu ministri Haxhinasto dhe ndihmessekretari i Shtetit z. Gordon u ndalen edhe ne zhvillimet ne rajon duke shkembyer mendime per progresin e bere deri tani ne drejtim te konsolidimit te paqes dhe sigurise si dhe te proceseve integruese ne institucionet euroatlantike. Ne kete drejtim u vleresuan perpjekjet qe vendi yne eshte duke ndermarre per krijimin e nje klime te re bashkepunimi mes vendeve te rajonit perfshi edhe Serbine me perspektiven e qarte te integrimit evropian. Z. Gordon riafirmoi edhe nje here mbeshtetjen e Shteteve te Bashkuara per reformat e ndermarra nga shteti shqiptar duke vleresuar gjithashtu rolin e Shqiperise si nje model bashkepunimi me vendet e tjera.