SHBA, bllokohen gazetat që publikojnë dokumentat e WikiLeaks-it

Forcat ajrore amerikane kanë bllokuar për punonjësit e tyre qasjen në faqet e internetit që publikojnë dokumentat e nxjerra nga WikiLeaks-i.
Në mesin e 25 faqeve të ndaluara janë dhe "New York Times" dhe " The Guardian".

Dy të përditshmet, një amerikane dhe tjetra britanike, janë në mesin e pesë gazetave që kanë botuar pjesë nga dokumentat e WikiLeaks-it. Kjo e fundit ka nisur publikimin e rreth 250 mijë dokumenta të klasifikuara të diplomacisë amerikane.

Forcat ajrore amerikane thanë se është e papërshtatshme që punonjësit e tyre të shohin këto dokumenta. Një ditë më parë themeluesi i faqes se Internetit, Wikileaks, Julian Assange i arrestuar në Britaninë e Madhe u lirua me kusht.

Prej rreth një muaji ka nisur në të gjithë botën, publikimi i njoftuar i një sërë dokumentesh që konsistojnë në korespondencat ndërmjet Departamentit Amerikan të Shtetit dhe vendeve të ndryshme të botës.

Publikimi i mbi 200 mijë mesazheve sekrete ka tronditur diplomacinë botërore, duke e cilësuar këtë fakt si 11shtatorin e diplomacisë. Gazetat me prestigjoze ndërkombëtare si “Nju Jork Times”, “The Guardian”, “El Pais”, “Der Shpigel” kanë publikuar tashmë nëpër ëebsajte pjesë të këtyre dokumenteve sekrete të Wikileaks.