SHBA dhe BE kundër ndarjes së Kosovës

Administrata amerikane në Uashington është absolutisht kundër ndryshimit të kufijve në Ballkan dhe nuk dëshiron të diskutojë mbi këtë çështje.

Një zyrtar i lartë i administratës i ka thënë agjencisë Tanjug se SHBA-të vlerësojnë se çfarëdo ndryshimi eventual i kufijve do të kishte ndikim ekstrem negativ për stabilitetin e rajonit.

“Për Shtetet e Bashkuara kjo çështje është mbyllur me vetë faktin që e kemi njohur Kosovën në kufijtë aktual. Qëndrimin tonë ua kemi transmetuar disa herë bashkëbiseduesve në Beograd”, ka thënë zyrtari nga administrata e presidentit Obama.

Ky reagim nga Washingtoni vjen një ditë pasi kryeministri serb Ivica Daçiç ka deklaruar se ndarja e Kosovës është e vetmja zgjidhje e mundshme dhe reale.

Të njëjtën qëndrim me SHBA-në ka mbajtur edhe Brukseli kanë folur sot edhe autoritete të larta të Bashkimit Evropian.

Sipas ministrit të jashtëm të Sllovakisë Miroslav Lajçak ka përsëritur se është kundër ndryshimit të kufijve. “Sa i përket lëvizjeve të kufijve, unë e përsërisë se nuk është zgjidhje, dhe se duhet të respektohet integriteti territorial iKosovës, sepse rajoni është ngopur me trazira e luftëra. Ballkani ka nevojë sot për paqe e stabilitet.Komuniteti ndërkombëtar nuk do të tolerojë asesi kthim mbrapa, sepse ndarja e Kosovës do të ishte rrezik, do të provokonte luftë, destabilitet në rajon ”, ka Lajçak
 

Ai ka theksuar më tej se kalimi i Kosovës nga pavarësia e mbikëqyrur në pavarësi të plotë, është proces i merituar për popullatën dhe institucionet e Kosovës. Lajçak ka thënë se është bërë shumë punë, por sipas tij mbetet edhe shumë për tu bërë, nëse Kosova dëshiron të bëhet anëtare e Bashkimit Evropian.

Edhe Gjermania tashmë disa e ka bërë të qartë qëndrimin e saj për Kosovën si vend me tërësinë aktuale territoriale si kushte për integrimin e Serbisë në BE.