SHBA dhe Koreja e Jugut do të riforcojnë marrëdhëniet

Uashington (start)Presidenti amerikan, Barack Obama dhe homologu i tij koreanojugor, Lee Myung-Bak u shprehën të vendosur për riforcimin e aleancës mes tyre, bëri të ditur sot zëdhënësi i presidencës në Korenë e Jugut. Gjatë një bisede telefonike, dy presidentët ranë dakord për vazhdimin e procesit të çarmatimin bërthamor të Koresë së Veriut. Ata shprehën dëshirën për një takim sa më të shpejtë duke theksuar se do të takoheshin në samitin e G20-s, që është parashikuar të zhvillohet më 15 nëntor në Uashington.