SHBA rivendosë marrëdhëniet me Birmaninë

Shtetet e Bashkuara kanë rivendosur marrëdhënie të plota diplomatike me Birmaninë dhe sic njoftoi Sekretarja e Shtetit, Hillary Klinton, procesi i shkëmbimit të ambasadorëve do të nisë shumë shpejt.

Njoftimi erdhi pak orë pasi disidentët më në zë politike të vendit u liruan nga burgu.

Lëvizja e përshkruar nga Presidenti Barack Obama si “hap i rëndësishëm përpara”, konsiderohej edhe një nga kërkesat kyçe të perëndimit për lehtësimin e sanksioneve ndërkombëtarë.

Ëashingtoni e tërhoqi ambasadorin nga Birmania në vitet e 90-ta, pasi liderët ushtarakë të vendit injoruan zgjedhjet e fituara nga Liga Kombëtare për Demokraci, e Aung San Su Ki-Se.

Sanksionet ekonomike të vendosura në mënyrë progresive mbi Birmaninë gjatë atyre viteve përfshinë embargon në armatim, ndalim udhëtimin për anëtarët e regjimit, ngrirjen e aseteve dhe bllokimin e investimeve.

Obama tha se vendimi i Birmanisë për të liruar qindra të burgosur politikë është “një hap i rëndësishëm përpara drejt reformave demokratike”.

Edhe Sekretari i Përgjithshëm i Kombeve të Bashkuara, Ban Ki Moon, e përshkroi lirimin e të të burgosurve si vendimin më të rëndësishëm deri më sot, sepse ai përfshin edhe një numër figurash të shquara politike, të cilët do të ndihmojnë pajtimin kombëtar.