SHBA-të nuk e njohin më UNMIK-un

Qeveria e Shteteve të Bashkuara të Amerikës dëshiron ta shmang UNMIK-un duke e zëvendësuar me institucionet kosovare, tetë vite pas. Bëhet fjalë për një memorandumi të mirëkuptimit të nënshkruar në vitin 2002 mes UNMIK-ut dhe USAID-it, por që tani do të nëshkruhet mes Presidenten e Kosovës, Atifete Jahjaga. Sipas një njoftimi të Ambasadës Amerikane në Prishtinë, marrëveshja do të nënshkruhet të enjten, në ora 14:00 ndërmjet Ambsadorit Dell dhe Presidentes Jahjaga.

"Nënshkrimi i Marrëveshjes Bilaterale shënon një arritje të rëndësishme për partneritetin e dy Qeverive. Kjo Marrëveshje do të zëvendësojë memorandumin e mëparshëm të mirëkuptimit, të nënshkruar nga ana e Misionit të Kombeve të Bashkuara në Kosovë (UNMIK), më 17 Janar 2002, i cili kishte përcaktuar kornizën për një bashkëpunim në mes të UNMIK-ut dhe USAID-it për programet e asistencës/përkrahjes në Kosovë. Megjithatë, meqë partneriteti në mes të Shteteve të Bashkuara të Amerikës dhe Kosovës është zgjeruar në një masë të konsiderueshme, tani është koha e duhur që të krijohet një marrëveshje e drejtpërdrejt, gjithëpërfshirëse bilaterale në mes të Shteteve të Bashkuara të Amerikës dhe Republikës së Kosovës" thuhet në një komunikatë për media, transmeton indeksonline.

Marrëveshja në fjalë i përcakton procedurat për planifikim dhe implementim të bashkëpunimit të mëtutjeshëm diplomatik, politik, ekonomik dhe kulturor, në mënyrë specifike në mes të dy vendeve dhe e dëshmon përkushtimin afatgjatë të Shteteve të Bashkuara të Amerikës për Qeverinë dhe popullin e Kosovës.