SHTYHET VENDIMI: Hetimi i zgjedhjeve, rrëzohet kërkesa e PS

Maxhoranca pretendon se kerkesa e opozites per ngritjen e komisionit hetimor parlamentar ka probleme juridike dhe duhet ripare, çka sjell vonese ne miratimin nga Kuvendit. Nga ana tjeter, opozita pretendon se maxhoranca po shkel afatet ligjore, pasi duhet te kete nje pergjigje brenda 15 ditesh. Ne mbledhjen me dyer te mbyllura, kryetarja e Kuvendit, Jozefina Topalli dhe kreu i grupit parlamentar te PS-se, Gramoz Ruçi, debatuan per komisionin hetimor, duke dale me dy qendrime. Mesohet qe Topalli te jete shprehur se ne mbledhjen e fundit te dates 6 dhjetor, t’i kishte kerkuar grupit nismetar te PS plotesimin e kerkeses lidhur me perberjen e ketij komisioni dhe sipas saj, PS ende nuk ka sjelle emrat. Nga ana tjeter, maxhoranca shprehet se ne piken tre te kerkeses, PS nuk ka evidentuar se shumica me ligj i takon PD-se, ndonese ajo do te terheqe anetaret per t’i lene opozites shumicen e komisionit. “Raporti midis maxhorances dhe opozites ne komisionin hetimor dhe perberjen e tij eshte kriter formal- juridik, pa plotesimin e te cilit kerkesa nuk mund te vihet ne levizje. Per kete shkak, kerkesa iu kthye grupit nismetar per plotesim dhe korrigjim”, thuhet ne njoftimin zyrtar per shtyp te Kuvendit. Nje tjeter pike e debatit ishte edhe kalimi ne seance i kerkeses se PS. Ruçi kerkoi te kaloje ne daten 17 dhjetor, po Topalli kerkoi plotesimin e emrave te anetareve te komisionit dhe rregullimin e probleme juridike, duke e lene per seancen e dates 23 dhjetor. Gjithsesi, ne seancen e dates 17, Kuvendi do te shprehet me vote se kur do te votohet ngritja e komisionit hetimor. Ne kete menyre, sot ne Komisionin e Ligjeve nuk do te shqyrtohet kerkesa e PS-se per komisionin hetimor, siç ishte programuar.
Kontestimi i PD
Kontestimi i PD-se per çeshtjet juridike ka te beje me shumicen ne komisionin hetimor. Megjithese shumica eshte shprehur dakord qe PS-ja te kete maxhorancen ne komision, kjo mund te behet vetem duke terhequr PD-ja dy anetare te saj, gjate momenteve te votimit. Sipas propozimit te PS-se, kjo force merr shumicen edhe zyrtarisht, duke pasur tete anetare ndaj shtate te PD-se. Por ligji “Per organizimin dhe funksionimin e komisioneve hetimore te Kuvendit”, nr. 8891, date 2.5.2002, percakton qe komisioni te kete perfaqesim te perafert me raportin e deputeteve ne Kuvend, qe do te thote se maxhoranca duhet te kete shumicen ne komisionin hetimor. “Komisioni perbehet nga jo me pak se nente dhe jo me shume se 15 deputete, por gjithmone me numer tek. Komisioni perbehet nga deputete te partive te pozites dhe opozites ne raporte sa me te peraferta perfaqesimi, por diferenca te jete jo me shume se nje anetar”, thuhet ne pikat 1 dhe 2 te nenit 9 te ketij ligji.

ERALD KAPRI