Samiti në Vilnius, Rama publikon foto me krerët e vendeve anëtare të NATO-s: Aleatë dhe miq

I pranishëm në samitin e NATO-s në Vilnius të Lituanisë, kryeministri Edi Rama ka publikuar foto me krerët e vende anëtare të aleancës, ndërsa i konsideron ata “aleatë dhe miq”. Në fotot e publikuara nga Rama në rrjet sociale, mes të tjerësh, ai shihet me Sekretarin amerikan të Shtetit, Antony Blinken, kryeministren e Italisë, Giorgia Meloni dhe Presidentin francez, Emmanuel Macron.

Udhëheqësit e 31 vendeve anëtarë të NATO-s janë mbledhur sëbashku në Vilnius të Lituanisë, ndërsa samiti do të vijojë edhe ditën e nesërme (12 korrik).

Aleatët e NATO-s riafirmuan mbështetjen e tyre për Ukrainën për anëtarësim në aleancë, por pa përcaktuar një afat kohorë.

/rtsh.al/